விஷ்ணுபுரம் விழா – டிச-28 ஞாயிறு-கோவை

அன்புள்ள நண்பர்களுக்கு,

மூத்த எழுத்தாளர்களை கௌரவிக்கும் பொருட்டு நம் நண்பர்களால் உருவாக்கப்பட்ட விருது ‘விஷ்ணுபுரம் இலக்கிய விருது’ . எல்லாவகையிலும் அடுத்த தலைமுறையினரால் அளிக்கப்படுவதாக இருக்கவேண்டும் இது என்பதை ஆரம்பத்திலேயே கவனத்தில் கொண்டோம்.

இதுவரை ஆ.மாதவன், பூமணி, தேவதேவன், தெளிவத்தை ஜோசப் ஆகியோருக்கு இவ்விருது வழங்கப்பட்டுள்ளது. இம்முறை மூத்த கவிஞர் ஞானக்கூத்தனுக்கு வழங்கப்படுகிறது.

Nanjundan (4)

ரூபாய் ஒரு லட்சமும் நினைவுப்பரிசும் அடங்கியது இது.வழக்கமாக பரிசுபெறுபவர் பற்றி ஒரு நூல் வெளியிடப்படும். இம்முறை நண்பர் கெ.பி.வினோத் ஞானக்கூத்தனைப்பற்றி தயாரிக்கும் ஆவணப்படம் ஒன்று வெளியிடப்படுகிறது.

வரும் 28-12-2014 அன்று கோவையில் இவ்விழா நிகழவிருக்கிறது.

ஞானக்கூத்தன் தமிழின் நவீனத்துவத்தை உருவாக்கிய முன்னோடிக்கவிஞர்களில் ஒருவர். கசடதபற என்னும் முக்கியமான சிற்றிதழின் பின்னணிச் சக்தியாக விளங்கியவர். தமிழின் அங்கதக்கவிதைகளின் முன்னோடி. கூரிய நவீன மொழியில் எழுதிய கவிதைகள் மூலம் கவிதையின் இயல்பையே மாற்றியமைத்தவர்.

unnamed

வழக்கம் போல முந்தைய நாள் 27-ஆம்தேதி முதலே நண்பர்களின் சந்திப்பும் இலக்கிய உரையாடல்களும் நிகழும். ஞானக்கூத்தனுடனான சந்திப்பும் உரையாடலும் 28 அன்று மதியம் நிகழும். ஆர்.எஸ்.புரத்தில் உள்ளராஜஸ்தானி யாத்ரி நிவாஸ் சந்திப்புகளுக்கான இடம்.

மாலையில் விருதளிப்பு விழா. இடம் – நானி கலை அரங்கம், மணி மேல்நிலைப் பள்ளி, கோவை

ஞானக்கூத்தன் பற்றி கெ.பி.வினோத் எடுத்த ஆவணப்படத்தை இயக்குநர் வசந்தபாலன் வெளியிடுகிறார். விழா தொடங்குவதற்கு முன்னர் 5 மணிக்கு இந்த ஆவணப்படம் திரையிடப்படும்

விஷ்ணுபுரம் விருதை மலையாளக் கவிஞர் டி.பி.ராஜீவன் அளிக்கிறார்.

கவிஞர் புவியரசு, எழுத்தாளர்கள் சா.கந்தசாமி, பாவண்ணன், கவிஞர் இசை ஆகியோர் பேசுகிறார்கள்.

நீங்கள் சந்திப்புகளிலும் விழாவிலும் கலந்துகொள்ளவேண்டும் என தனிப்பட்ட முறையில் அழைக்கிறேன். இவ்வழைப்பை பகிரவேண்டும் என்றும் கோருகிறேன்.

வெண்முரசு நூல்களும், நீலம் காலண்டரும் விழா அரங்கில் கிடைக்கும்.

உதவிக்கு

விஜய் சூரியன் 99658 46999

இந்த அழைப்பை முடிந்தவரை நண்பர்களிடையே பகிரும்படி கேட்டுக்கொள்கிறேன்.

ஜெ

Rajasthani Nivas
33, Periaswamy Road East,
R.S.Puram,
Coimbatore – 641 002
Phone : 91 – 422 – 2548581

கவிஞர் ஞானக்கூத்தனுக்கு விஷ்ணுபுரம் விருது 2014

நண்பர்களே

2014 ஆம் வருடத்துக்கான விஷ்ணுபுரம் விருது கவிஞர் ஞானக்கூத்தனுக்கு வழங்கப்படவுள்ளது. வரும் டிசம்பர் 28 அன்று கோவையில் விழா நிகழும். 27முதல் கருத்தரங்குகள், சந்திப்புகள் என ஏற்பாடு செய்ய ஆலோசித்து வருகிறோம் .இடம் பங்கேற்பாளர்கள் பின்னர் அறிவிக்கப்படுவார்கள்

Nanjundan (4)

கசடதபற இதழ்மூலம் நவீன இலக்கியத்திற்குள் ஆழமாக காலூன்றிய ஞானக்கூத்தன் தமிழ்த்தேசிய நோக்குள்ளவர். மபொசியின் நண்பர். தமிழரசுக்கழகத்தில் உறுப்பினராக இருந்து தமிழக எல்லைப்போராட்டங்களில் கலந்துகொண்டவர்.

எழுபதுகளில் வெளிவந்த இவரது அன்றுவேறு கிழமை என்ற கவிதைத்தொகுதி ஒரு பெரிய அலையை கிளப்பியது. கூரிய அங்கதக் கவிதைகள் மூலம் தமிழ்க்கவிதையில் புதியபாதையை திறந்தார்.

ஞானக்கூத்தனை கௌரவிப்பதன் மூலம் விஷ்ணுபுரம் இலக்கியவட்டம் பெருமிதம் கொள்கிறது

ஞானக்கூத்தன் இணையதளம்

ஞானக்கூத்தன் அழியாச்சுடர்களில்

ஞானக்கூத்தன் – தமிழ்ப்படைப்பாளிகள் தளம்

வெண்முரசு நூல்கள் வெளியீட்டு விழா 2014

வெண்முரசு நூல்கள் மழைப்பாடல், வண்ணக்கடல், நீலம் வெளியீட்டு விழா வரும் நவம்பர் மாதம் 9 ஆம் தேதி ஞாயிற்றுக்கிழமை மாலை சென்னையில் நடைபெறுகிறது.

நமது காலப் பெரும் இலக்கிய ஆளுமைகள் அசோகமித்திரன், இந்திரா பார்த்தசாரதி, பிரபஞ்சன், நாஞ்சில் நாடன் மற்றும் திரைத் துறைச் சாதனையாளர்கள் கமல்ஹாசன், இளையராஜா, வசந்த பாலன் முக்கிய விருந்தினர்களாகக் கலந்து கொண்டு சிறப்பிக்க இருக்கிறார்கள்.

இதுகுறித்த மேலதிக தகவல்களும், விரிவான நிகழ்ச்சி நிரலும் விரைவில் வெளியிடப்படும்.

Venmurasu Launch_INVITATIONPage-3Venmurasu launch-Invitation-Page-2Page-4
விழாவில் இலக்கிய ஆர்வலர்கள் நண்பர்கள் அனைவரும் கலந்து கொண்டு சிறப்பிக்க வேண்டுமென்று கேட்டுக் கொள்கிறோம்.

இந்த அறிவிப்பினை தங்கள் நண்பர்களிடம், சமூக வலைதளங்களிலும் பகிர்ந்து கொள்ள வேண்டுகிறோம்.

-விஷ்ணுபுரம் இலக்கிய வட்டம்

நாள் : நவம்பர் 9, 2014, ஞாயிற்றுக்கிழமை.
இடம் : சென்னை ம்யூசியம் தியேட்டர் அரங்கம்
நேரம் : மாலை 5 மணி

தொடர்புக்கு:
பாலா: m_bala_s@hotmail.com

For more details:

Follow Venmurasu Launch event on Facebook

Follow Venmurasu on Facebook

Follow Venmurasu on Twitter

SBS வானொலியில் தெளிவத்தை ஜோசப் பேட்டி

விஷ்ணுபுரம் விருதுக்கு தேர்வு செய்யப்பட்டதை முன்னிட்டு SBS வானொலிக்கு தெளிவத்தை ஜோசப் அவர்கள் வழங்கிய பேட்டியின் ஒலிப்பதிவு

http://www.sbs.com.au/yourlanguage/tamil/highlight/page/id/300933/t/-I-couldn-t-have-done-it-without-her-support/in/english

 

 

 

 

 

 

விஷ்ணுபுரம் விழா 2013 – வழக்கமான வினாக்கள்

விழாவை ஒட்டி வெளியான வசைகளுக்கு ஜெயமோகனின் விளக்கம்

Arch_20' x 3'_01(1)

01 Pillar_2.5' x 8'_0101 Pillar_2.5' x 8'_02

நாளை மறுநாள் [ டிசம்பர் 22 ] அன்று கோவையில் விஷ்ணுபுரம் விருது வழங்கும் விழா நடைபெறுகிறது. நான் நாளை [21] அன்று காலை கோவையில் வந்திறங்குகிறேன். சென்றவருடம் போலவே வரும் நண்பர்கள் தங்குவதற்கு ஒரு கல்யாணமண்டபம் ஏற்பாடாகியிருக்கிறது. குறைந்தவசதிகளுடன் கூட்டமாக பொதுக்கூடத்தில் தங்கி இரவெல்லாம் பேசுவதுதான் விஷ்ணுபுரம் விருதுவிழாவின் சிறப்பியல்பாக இதற்குள் ஆகிவிட்டிருக்கிறது. இம்முறையும் அதுவே

விழாவைப்பற்றி சென்றமுறையெல்லாம் வந்ததுபோன்ற வசைகள் வரவில்லையே , அது ஒருகுறையாகவே உள்ளதே என்ற ஆதங்கம் நண்பர்களுக்கெல்லாம் இருந்தது. அந்த வசைகள் வழியாகவே நாம் நம்மை நிரூபித்துக்கொண்டிருக்கிறோம். அந்தக்குறையை இம்முறை ஞாநி தீர்த்துவைத்திருக்கிறார். பேஸ்புக்கில் விஷ்ணுபுரம் விழா பெரும்பணக்காரர்களால் நடத்தப்படுவது என்றும் நான் பணக்காரர்களின் காலை நக்கிப்பிழைப்பவன் என்றும் அவர் எழுதியிருக்கிறார் என்று அறியவந்தது

ஒரே வரியில் சொல்லவேண்டுமென்றால் எல்லா வருடமும் எவரோ ஒருவர் இதைச்செய்கிறார். நாங்கள் எங்கள் தரப்பைச் சொல்ல ஒரு தருணமாகவே அதைப்பயன்படுத்திக்கொள்கிறோம். இம்முறை ஞாநி. ஞாநியின் தகுதிக்கு இச்சொற்கள் முறையானவை அல்ல என்று மட்டும் சொல்லவிரும்புகிறேன்.

நான் எழுதவந்த நாள்முதலே எனக்கு எழுத்துமூலம் குறிப்பிடும்படி வருமானமேதும் வந்ததில்லை. காரணம் நான் பெரிய ஊடகங்களேதிலும் எழுதியதில்லை. இப்போதும் என் நண்பர்களின் பதிப்பகங்களிலிருந்து நான் பணமேதும் பெற்றுக்கொள்வதில்லை.எனக்கு குறிப்பிடுமளவு பணம் வந்தது நான் மலையாளத்தில்லும் ஆங்கிலத்திலும் எழுதியபோதுமட்டுமே. அது நான் வீடுகட்டியநாட்களில் கடும் கடன்சுமையில் இருந்தபோது எழுத்தாளர்களுக்கு உதவ எப்போதுமே தாமாக முன்வரும் மலையாள மனோரமா குழுமம் செய்த உதவி.

அதன்பின் நான் மலையாளத்தில் எழுதுவதைக் குறைத்துகொண்டேன். புனைவுகள் எழுதவேகூடாது என எனக்கு நானே விதித்தும்கொண்டேன். என் தமிழ்நடை பாதிப்படையலாம் என்பதனால். ஆங்கிலத்தில் குறுகியகாலம் இண்டியன் எக்ஸ்பிரஸ் நாளிதழில் ஒரு தொடர் எழுதினேன். அதையும் நிறுத்திக்கொண்டேன்

அந்தப்பணமுடைநாட்களிலும்கூட 1996 முதல் 2008 வரையில் நான் வருடத்துக்கு சராசரியாக இரண்டு இலக்கியச் சந்திப்புகளை நடத்தியிருக்கிறேன். உணவு தங்குமிடம், செலவிடமுடியாதவர்களுக்கான பயணச்செலவு உட்பட அனைத்துச்செலவுகளையும் என் சொந்தச்செலவிலேயே செலவிட்டிருக்கிறேன். அலுவலகத்தில் இடைநிலை ஊழியராகப் பணியாற்றிவந்தபோதே அந்த மிகச்சிறிய வருமானத்துக்குள் அவ்வாறு தொடர்ந்து சந்திப்புகளை நடத்த முடிந்திருக்கிறது.

இந்த இணையதளம் ஆரம்பிக்கப்பட்டு, விளைவாக அச்சந்திப்பு நிகழ்ச்சிகள் சற்றே பெரிதாக ஆனபின்னர் பங்கேற்பாளர்கள் செலவைப்பகிர்ந்துகொள்ளும் முறையைக் கொண்டுவந்தோம். காரணம் ஒருமுறை பங்கேற்பாளர்கள் தங்க இடமில்லாததனால் நானும் சிலநண்பர்களும் இரவெல்லாம் விழித்திருக்கவேண்டியதாயிற்று.இப்போதுகூட மிகக்குறைந்த செலவில் ஒவ்வொருவருக்குமான பங்கு மிகமிகக்குறைவாக இருக்கும்படி எளிமையாக அந்நிகழ்ச்சியை நடத்துகிறோம். மிக எளிய சைவ உணவு. மிகக்குறைவான தங்குமிட வசதிகள். தரையில் பாய்விரித்து கூட்டமாகப்படுத்துத்தான் தூங்கவேண்டும்.

இவற்றை முன்னரே சொல்லித்தான் பங்கேற்பாளர்களை அழைக்கிறோம். இலக்கியமீதான ஈடுபாடே அந்த வசதிக்குறைவுகளை பொறுத்துக்கொண்டு இத்தனைபேர் பங்கெடுக்கச் செய்கிறது. இந்நிகழ்ச்சிகளில் பங்கெடுக்கவிரும்பும் பணவசதி குறைவான நண்பர்களின் செலவுகளை நாங்களே ஏற்றுக்கொள்வதனால் எனக்கும் நண்பர்களுக்கும் ஒவ்வொரு நிகழ்ச்சியிலும் கணிசமான செலவு ஏற்படுகிறது

விஷ்ணுபுரம் விருது அளிக்கப்படுவதற்கான காரணம் அனைவரும் அறிந்ததே. இயல்விருது ஆரம்பிக்கப்பட்டபோது அதன் மீது எனக்கு பெரும் நம்பிக்கை இருந்தது. அதில் ஒரு கொள்கையளவு பங்களிப்பும் எனக்குண்டு. விருதுபெறாமல் புறக்கணிக்கப்பட்ட முக்கியமான முன்னோடிப் படைப்பாளிகளுக்கு அவ்விருது அளிக்கப்படவேண்டும் என்றுதான் உத்தேசிக்கபபட்டது.

ஆனால் அதன் பல்கலைக்கழக தொடர்பு காரணமாக கல்வியாளர்கள் அதை கையகப்படுத்தி தங்களுக்குள்ளேயே விருதுகளை கொடுத்துக்கொள்ளும் வழக்கமான செயலை ஆரம்பித்தனர். கடைசியாக லட்சுமி ஆம்ஸ்ட்ரம் என்ற மிகச்சாதாரணமான மொழிபெயர்ப்பாலருக்கு விருது அளிக்கப்பட்டது.

அதை நான் மிகக் கடுமையாக கண்டித்தேன். புறக்கணிக்கப்பட்ட பெரும்படைப்பாளிகள் கௌரவிக்கப்படவேண்டும், அதற்காக இன்னொரு விருதை உருவாக்கவேண்டும் என்று உலகவாசகர்களுக்கு கோரிக்கை வைத்தேன். பலர் என்னிடம் அதைப்பற்றிப்பேசினர். பெரும் நிதி அளிக்கவும் பலர் தயாராக இருந்தனர். நான் எவரிடமும் பணம்பெறத் தயாராக இருக்கவில்லை. பரிசுகளை அவர்களே கொடுக்கவேண்டுமென விரும்பினேன்.

இயல்விருது அப்போது தன் பிழைகளை திருத்திக்கொண்டு மீண்டும் சாதனையாளர்களான படைப்பாளிகளுக்கும் அறிஞர்களுக்கும் விருதுகளை அளிக்க ஆரம்பித்தது. இன்று தமிழின் பெருமதிப்புக்குரிய விருது அது. கோவை ஞானி, ஐராவதம் மகாதேவன், அம்பை, எஸ்.பொன்னுத்துரை, எஸ்.ராமகிருஷ்ணன், நாஞ்சில்நாடன் போன்றவர்களுக்கு விருதை அளித்து அந்த கௌரவத்தை அது அடைந்தது.

இயல் சார்பில் ஞானி ஐராவதம் மகாதேவன் ஆகியோரை கௌரவிக்கவும் எஸ்.பொ அவர்களுக்கு விருதளிக்கவும் எனக்கு வாய்ப்பு கிடைத்தது. என்னைப்பொறுத்தவரை அதெல்லாம் பெரும் கௌரவம். என் முன்னோடிகள் முன் அவர்களுக்கான அங்கீகாரத்துடன் நிற்கையில்தான் நான் மிகப்பெரும் விருதொன்றை பெறுவதாக உணர்கிறேன். அதற்காக இயல் அமைப்புக்கு நான் கடமைப்பட்டிருக்கிறேன்

ஆகவே இன்னொரு விருதை உருவாக்கும் முயற்சி அப்போது கைவிடப்பட்டது. பின்னர் நண்பர்களுடன் அதைப்பற்றிப் பேசும்போது விருதை ஏன் நாமே கொடுக்கக்கூடாது என்று ஒரு பேச்சு எழுந்தது. அவ்வாறுதான் விஷ்ணுபுரம் விருது ஆரம்பமாகியது. இயல்விருதுக்கு பலமுறை பரிந்துரைக்கப்பட்ட ஆ.மாதவனுக்கு முதல் விருது என முடிவுசெய்தோம். ஆ.மாதவன் பெற்ற முதல் விருது அது என்பது மட்டுமல்ல அவருக்காக நிகழ்த்தப்பட்ட ஒரே இலக்கியக்கூட்டமும் அதுதான். நம் யதார்த்தவாத எழுத்தின் முன்னோடிக்கு அந்த ஒரே அங்கீகாரம் மட்டுமே கிடைத்துள்ளது என்பதே அந்த விருதின் முக்கியத்துவத்தை உணர்த்தும்

விஷ்ணுபுரம் விருதை என்னுடைய சொந்தப்பணத்தில் இருந்துதான் கொடுக்க ஆரம்பித்தேன். அதற்கு நான் சினிமாவில்பெறும் ஊதியத்தில் ஒருபகுதியை செலவிடுகிறேன். ஆனால் விருதுவழங்கும் நிகழ்ச்சி மெல்லமெல்ல பெரிய ஒரு விழாவாக ஆகிவிட்டது. இரண்டாவது முறை தங்குமிடம் போதுமானதாக இல்லாமல் நானும் பல நண்பர்களும் இரவெல்லாம் பேசியபடி கோவை நகரைச் சுற்றிவந்த அற்புதமான அனுபவமும் ஏற்பட்டது.

ஆகவே விஷ்ணுபுரம் குழுமத்தைச் சேர்ந்த நாலைந்து நண்பர்கள் மட்டும் செலவுகளைப் பகிர்ந்துகொள்கிறார்கள். எல்லா நண்பர்களும் இதில் நிதியளவில் பங்களிப்பாற்றுகிறார்கள் என்பதே உண்மை. எவரும் பெரிய நிதி எதையும் அளிக்கவில்லை. இப்போதும் பெரும்ம்பகுதி என்னுடைய பணம்தான்.

இச்செலவுக்காக சென்றவருடம் முதல் ஒரு கொள்கையைக் கடைப்பிடித்துவருகிறேன்.நான் கல்லூரிகள் போன்ற அமைப்புகளின் நிகழ்ச்சிகளில் பங்கெடுப்பதென்றால் விஷ்ணுபுரம் அமைப்புக்கு குறைந்தது 5000 ரூபாயாவது அளிக்கவேண்டும் என்பது. சென்றவருடம் பங்கேற்ற ஐந்து நிகழ்ச்சிகள் வழியாக கிடைத்த பணமும் இந்நிகழ்ச்சிகளுக்கு உதவுகிறது.

இன்றும் நன்கொடைகள் அளிக்க பலர் தயாராக உள்ளனர். என்றும் எனக்கு பணம் ஒரு பொருட்டாகவே இருந்ததில்லை. நான் என் நேர்மையை என்றும் வெளிப்படையாக வைத்திருப்பவன். ஒரு தேவை என்றால் எந்த நிதியையும் என்னால் புரட்ட முடியும். பலமுறை இதயநோயுற்ற நண்பர்களுக்காக , நலிந்த எழுத்தாளர்களுக்காக நிதி திரட்டியிருக்கிறேன். ஈழப்போராட்டத்தின்போது பாதிக்கப்பட்ட நண்பர்களுக்காக நிதி திரட்டியிருக்கிறேன். நண்பர்கள் அதை அறிவர். திட்டமிட்ட பணத்தை மட்டும் என் மீது நம்பிக்கை உடைய நண்பர்களிடமிருந்து மட்டும் பெற்றுக்கொள்வது என் வழக்கம்.

இன்றும் எந்த ஒரு நிகழ்ச்சிக்கும் தேவையான எவ்வளவு நிதியை வேண்டுமென்றாலும் மிகச்சுலபமாக என்னால் திரட்டமுடியும். ஆனால் நிதி திரட்டி அமைப்புகளை உருவாக்குவதில் எனக்கு நம்பிக்கை இல்லை. திரைத்துறையிலும் வெளியிலும் விஷ்ணுபுரம் அமைப்புக்கு நிதியளிக்க முன்வந்தவர்கள் பலர். நான் வேண்டாம் என்றே சொல்லியிருக்கிறேன்.

குறிப்பாக இன்று நிகழ்ச்சி பெரியதாக ஆகிவிட்டிருப்பதனால் தாங்களகாவே விளமபர நன்கொடை அளிக்க நிறுவனங்கள் முன்வந்தன. இப்போதைக்கு பெரிய திட்டங்களேதும் எங்களிடம் இல்லை. பொதுப்பணத்தைப்பெற்றுக்கொண்டோமென்றால் அது பெரிய பொறுப்பும்கூட. ஆகவே அதைத் தவிர்த்துவிட்டோம். இப்போதைக்கு நெருக்கமான நண்பர்களின் கொடைகள் மட்டுமே பெறப்படுகிறது. பெரிய நன்கொடைகளுக்குப்பதில் அனைவரும் பங்களிப்பாற்றும் நோக்குடன் செலவைப்பகிர்ந்துகொள்ளும் முறையை மட்டுமே கடைப்பிடிக்கிறோம்.

இக்காரணத்தால்தான் ஜெயமோகன்.இன் தளத்தில் விளம்பரங்களையும் நாங்கள் வெளியிடுவதில்லை. இதற்கான செலவுகள் சிறில் அலெக்ஸ் , ஆனந்தக்கோனார் ஆகியோரால் செய்யப்படுகின்றன.

அவதூறாளர்களின் மனநிலையைக் கூர்ந்து கவனித்துவருகிறேன். அவர்களால் ஒரு விஷயம் தன்னலமில்லாமல் நிகழ முடியும் என்பதை நம்பமுடியவில்லை. நட்பும் பரஸ்பர மதிப்பும் கொண்ட சிலர் கூடிச் செயல்படமுடியும் என்பதையே ஏற்கமுடியவில்லை. ஏனென்றால் அவர்களுக்கு அத்தகைய விழுமியங்களில் அறிமுகமே இல்லை. அவர்களை எண்ணி வருந்துவதைத்தவிர வேறு வழியே இல்லை.

எல்லா வழிகளிலும் இந்தக்கூட்டமைப்புக்குள் உள்ள நண்பர்களிடையே பேதம் விளைவிக்க முயல்கிறார்கள். பொய்யான தகவலகளை பரப்புகிறார்கள். புறம்கூறுகிறார்கள். மனத்திரிபுகளை உருவாக்க முயல்கிறார்கள். இந்த உழைப்பில் கால்வாசியை சிந்திப்பதற்கோ எழுதுவதற்கோ இவர்கள் செலவிட்டால் தமிழில் எவ்வளவு நல்ல படைப்புகள் வந்து சேரும். ஏன் இந்த அவஸ்தை? பரிதாபம்தான்.

இந்நிகழ்ச்சியின் ஏற்பாடுகள் எதிலும் நான் எந்தப்பங்களிப்பையும் ஆற்றவில்லை. நண்பர்களே முன்னின்று செய்கிறார்கள். அவர்களின் கூட்டான கடும் உழைப்பு ஆச்சரியத்தை அளிக்கிறது. இங்கே இன்னும் எவ்வளவோ விஷயங்கள் செய்யமுடியும் என்ற நம்பிக்கையையும் அளிக்கிறது. இந்நிகழ்ச்சியின் ஒட்டுமொத்தமான அமைப்புடனும் வீச்சுடனும் ஒப்பிட்டால் இதற்கான செலவு மிகமிகக் குறைவாக இருக்கக் காரணம் இந்நண்பர்களே. [பெயர்களைச் சொல்லவே பயமாக இருக்கிறது. அவர்கள் மேல் வசைமழை ஆரம்பித்துவிடும்] அனைவருமே பல்வேறுதுறைகளில் வேலைபார்ப்பவர்கள். எளிய நடுத்தரவர்க்க வாழ்க்கை கொண்டவர்கள். இந்நிகழ்ச்சியின் மூலம் அவர்கள் அடையும் நிறைவே அவர்களுக்கான லாபம் என நினைக்கிறார்கள்.

இந்த நிகழ்ச்சியை என் மீதான நட்பு காரணமாகவே நண்பர்கள் ஆரம்பித்தனர். ஆனால் இன்று அது வளர்ந்து அவர்களுக்கிடையேயான நட்புப்பரிமாற்றமாக வளர்ந்துள்ளது. நான் விரும்பியது இந்தப்பரிணாமத்தை மட்டுமே. மிகுந்த மனநிறைவுடன் நண்பர்களை இத்தருணத்தில் நெஞ்சாரத் தழுவிக்கொள்கிறேன்.

 


இயல்விருது சில வினாக்கள்


இயல்விருதின் மரணம்


உலகத்தமிழ்வாசகர்களுக்கு ஓர் வேண்டுகோள்!

 

%d bloggers like this: